Poème 119

Je te hai peuple, & m'en sert de tesmoin,Le Loir, Gastine, & les rives de Braie,Et la Neuffaune, & l'humide saulaie,Qui de Sabut borne l'extreme coin.Quand je me pers entre deus mons bien loin,M'arraisonnant seul à l'heure j'essaieDe soulager la douleur de ma plaie,Qu'Amour encharne au plus vif de mon soin.Là pas à pas, Dame, je rememoreTon front, ta bouche & les graces encoreDe tes beaux yeux trop fidelles archers:Puis figurant ta belle idole feinteDedans quelque eau, je sanglote une pleinte,Qui fait gemir le plus dur des rochers.