Vie de saint George

PAR MAÎTRE WACE

TROUVÈRE DU xii SIÈCLE

TEXTE INÉDIT

PUBLIÉ PAR VICTOR LUZARCHE

_______

IMPRIMERIE DE J. BOUSEREZ

______

MDCCCLVIII

Maître Wace occupe un rang trop éminent parmi les fondateurs de notre poésie nationale pour que la moindre pièce inédite sortie de sa plume ne soit pas recueillie avec le plus grand empressement. Dans l’Introduction du drame d’Adam, publié en 1854, nous avons analysé et attribué à Wace une Vie de saint George, en vers de huit syllabes, dont nous annoncions la prochaine publication. C’est cette composition que nous imprimons ici pour la première fois.

Le monde savant doit à l’abbé Lebeuf la plus ancienne mention du poëme du trouvère normand, en l’honneur du patron de l’Angleterre. L’assertion du docte écrivain se trouve confirmée de tous points par ce que nous savons d’une rédaction de la même légende due au poëte allemand du xiii siècle Reinbot von Durne, qui déclare avoir traduit l’œuvre d’un trouvère français nommé Richard. C’est à M. le professeur François Pfeiffer, le savant bibliothécaire de Stuttgart, que nous sommes redevable de ce dernier renseignement.

Quant à ce prénom de Richard ajouté au nom de Wace que quelques critiques ne veulent point admettre, parce que, disent-ils, deux noms de baptême ne peuvent se trouver réunis, des titres normands et anglais du xii et du xiii siècle en fournissent plus d’un exemple, et une charte de Guillaume, évêque de Coutances, extraite du cartulaire de l’abbaye de Saint-Sauveur-le-Vicomte et citée par l’abbé de la Rue nous apprend que, en 1120, un Richard Wace, prêtre du même diocèse, avait reconnu une rente établie sur un fonds de l’île de Gersey. Cette charte nous paraît d’autant plus applicable à la personne de notre trouvère que l’île de Gersey était son lieu de naissance et relevait du diocèse de Coutances.

On connaissait déjà de maître Wace une Vie de saint Nicolas, publiée pour la première fois par M. Monmerqué, pour la société des bibliophiles français, et de nouveau, en 1850, par les soins du docteur Nic. Delius. Ces sortes de légendes rimées étaient récitées à l’intérieur et même à l’extérieur des églises, aux jours de fêtes solennelles, devant des auditeurs prévenus à l’avance, comme cela se pratiquerait aujourd’hui pour un prédicateur en renom, qu’une telle lecture serait faite en tel lieu et à telle heure, ainsi que le prouvent les quatre premiers vers de la Vie de saint George :

Bel gent, qui venuz este ensemble

Oïr le bien, si, com moi semble,Le bien vous sui ci venuz dire,Et de saint Jorge le martyre.

Nous n’avons fait tirer que cinquante exemplaires de cette publication, que nous réimprimerons à la suite d’un autre poëme de Wace, la Vie de la Vierge Marie, déjà publié sous le nom de l’Établissement de la fête de la Conception Notre-Dame, dont nous préparons une nouvelle édition, d’après le manuscrit de Tours.

v. l.

15 février 1858.

__________________

Bel gent, qui venuz este ensembleOïr le bien, si com moi semble,Le bien vos sui ci venuz dire,Et de saint Jorge le martyreHaus hom fu de noble lignage,Simples, pitos et sans oltrage ;De bones mors, de sainte vieEt trop pros en chevalerie.Uns enpereres Daciens,Qui haet Deu et crestiens,Contre nostre lei estriveit,Quant li bon sains Jorge viveit.

Sil Daciens, en tote guise,Voleit destruire sainte iglise ;Vers Jesu-Crist vost faire la guerre :Si manda les gens de sa terre,Ses barons fist venir à sei,Por nos destruire et notre leiEn la cité de MelitaineVindrent tos, mult fu de gent plaine.Daciens li fels, li plains d’ire,Dist à tos seaus de son enpire :« Se nus crestien puist tenirA greve mort le ferai morir ;Escorchier li ferai la teste,Traire les iaus à grant moleste.Les autres menbres ferai pendre,O ardre, o torner en cendre. »Tos séaus qui torment savoient,Et qui gent tormenté avoientFist venir à soi et conduire,Por tos les crestiens destruire.

As os perceier fist glaives faireEt tenailles por les dens traire,Et rasors por le cuir des chiefsEscorchier, fist tormenz et griefs ;Por la char frire et les boeles,Fist faire à grant planté paeles ;Por les cors desronpre et destraire,Fist une roé trenchant faire :De grief torment ot mainte forgeEn Militaine, au tenz saint Jorge.En Capadosse ert à estageSains Jorge entre son lignage.D’ileuc se mut par veritéEn Militaine la cité.Là aporta mult grant aver.Et vost la covine saverDel parlement qui deveit estreDevant l’enperéor le maistre.Mult se merveila des genz folesQui aoréent les idoles,

Des ymages faiséent festesEt lor sacrifiéent bestes,Et Deu despriseent nostre pereEt sa tant gloriose mere.Li sains tot son aveir donaPor Deu qui li guerredona ;Dreit à l’enperéor s’entocheSains Jorge, si li dist de boche :« Rien ne te dot, crestien sui,La merci-Deu, bastiés sui,Ne n’aim tes ymages, ne creiMais Jesu-Crist, mon Deu, mon rei.Mult ont déable deçéuQui es ymages ont créu ;Aveugles sont, mués et sordes ;Quanque tu creis ne sont que bordes.Je crei Deu et pri qu’il m’ament,Qui conpassa le firmament,Qui fist mer et terre comuneEt steles et soleil et lune ;

Qui vost en la virge descendreMarie, por nostre char prendre.A ces paroles s’est dreciésVers lui Daciens corrociés.« Jorge, dist-il mais, car me crei,Fais que sage, guerpis ta lei,Ce tu vues tere et aveir,Dignité et puissance aveir.Après mei auras seignorieEt mon regne en ta baillie. »Sains Jorge dist : « Fos enpereres,Tes dignités sont mult ameres.Ta puissance n’est pas estable,Ains est vaine et escolorjable. »« Jorge, ta biauté m’esmuetDuel aurai, se morir t’estuet. »Li sains dist : « N’aies duel de moi,Aince de ta vie et de toi.Daciens, ton aage deplore,Perdus es, nés fus de pute ore. »

Lors dist li fels : « So est la pure,Briement moras ; ge le te jurePar mes deus, qui sont en mon reine,Agaba, Rache et Apoloine ;Essample auront mes gens par teiDe mort, si tendront miaus ma lei.Verrai se ti deus te delivreDe mes mains et te fera vivrePar les cheviaus et par la gorje,Il fist alors trainer saint Jorge ;En la roé le fist-il metreDont nos parle sa vis la letre.La roe esteit de fer et dure,Trenchant partot à desmesure ;Broches i ot de fer aguesEt serres forment esmolues ;Enmi avoit glaives dreciésDunt saint Jorge fu mult bleciés ;Tot le destrencherent les sies,De son cors firent dix parties.

Daciens comença à rire,Quant il vit du saint le martire.Mors fu sains Jorge sans respit ;Le fels li cria en despit :« Jorge, bien es por fol tenus ;O est ti deus ? qu’est devenus ? »Deus fist ici, por son martir,La terre moveir et partir.Signe fist que il vost dessendre,Por à son martir la vie rendre.Au leu vint Jesu-Crist sans dote,Aces i ot angles en sa rote,Ensemble fist les pieces estreDel cors et seigna de sa destre,Si com tesmoigne nostre livre ;Lors fist Deus saint Jorge revivre.Li sains hom s’ecria forment :« Daciens, ou sont ti torment ?Tes grieves peines et tes manasses ?Je ne pris rien, quanque tu fasses. »

Le fels d’ire par poi ne crieve,Se que il veit forment li grieve.Sains Jorge s’enclot sens raisonChes une feme, en sa maison ;Li sains à la veve demandeDel pain ou de quelque viande.Ains la povre li dist : « Sains Jorge,Je n’ai pain de forment ne d’orge. »« Cui creis, dist il, » el dist : « Ge creiApolin, cui ge creire dei »« Feme, s’en Jesu-Crist créusses,Pain et autre bien éusses. »Il esgardent, si virent misePrès déaus table, à lor devise ;Chargée virent la dicte tableDe la viande esperitableQue li Angele orent aportée.La dame fu reconfortée,Puis dist : « Sire, je sui dolenteDe mon fis qui perd sa jovente ;

Sors est et mus et ne veit goteEt contrais des deus pars sans dote ;Se tu le féices aler,Oïr et véir et parler,En ton Deu sui preste de creireEt Deu bien servir sans retreire. »Li Sains à Deu ses mains tendiEt son anfant sain li rendi.Quant se sot Daciens, si mandeA sa gent et le Saint demande :« Jorge, par quel art, par quel guilesDecès-tu les gens de mes viles ?Sil dist : « Deus a en tot puissance,Se que il viaut fait sans dotance. »« Jorge, se dist lors Daciens,Vaut donc ti Deus miaus que li miens. »Li Sains dist : « Li miens fist le mondeEt siel et tere et mer parfonde.Ti Deus est sors et ne se muet,Ne veir ne parler ne puet.

Va caus, se dist li enpereres,XIIII sieges fist mes peresD’arbres viaus qui, encore aperentConques, nul jor, fruit ne porterent,Face ti Deus que arbres seientLi siege, et fruit et foiles aient.Se ti Deus puet tel chose faire,Merveilos est, mult te deit plaire. »« Daciens, quant tu ne l’crées,Dreis est que sa puissance vées. »De ce pria li sains sans doteDeu, qui sa volenté fist tote.Arbres furent li sieges tuitEt porterent foiles et fruit.Plusors qui ses miracles virent,A Deu gloire et léenges firent.Tot ce ne prisa une peireDaciens, ne rien ne vost creire.Lors dist que li sains par déableOvreit, o par art decevable.

Riant li prie et amonesteSes deus servir et faire feste.Sains Jorge dist : « SacrefierM’estuet à tes deus ; fai crierQue ta gent vieigne et là voie. »Lors fist Daciens mult grant joieBien cuida que vencu l’éust,Tot seit que son cuer ne séust.Tot maintenant, sans faire autr’euvre,Sains Jorge vait, la maison euvreOù seles ymages estéentQue li mescreant aoueréent,Apolin, Rache, Agaba ;Mult les honi, mult les gaba.Apolin fist à soi venir,Sil ne s’osa contretenir ;Aincès issi fors de s’ymage,Tos forcenés et plains de rage.Li sains dist, en apert sans close :« Es-tu Deu de chaitive chose !

Porquei ont en tei si grant fiance ?Qui es-tu ? que est ta puiçance ? »Apolin dist : « Déable sui,Qui fai à mains omes ennui ;Les ymages fais aourer,Et Deu del ciel desonorer. »Lors fu sains Jorge corossiés,En terre fiert un de ses piés ;Ele fendi contr’aval tote,Jusqu’en abisme fut derote.Lors prist et quassa les ymages ;Tot de se ne fist-il que sages.Lors fist Apolin le déableTrabucher en leu péreillable,Aval l’enclost, et enserraEt en l’abisme l’enterra.Li fels d’ire par poi ne creve,De ce qu’il veit forment li greve.Daciens, de ces deus li menbra ;Li saint prist, tot le desmenbra ;

Tos les menbres et les boelesComanda boilir en paeles.Por boilir le cuida destraindre ;Mais Deu li fist le feu estaindre,Par un angle qu’il envoia.Onc sains Jorge ne s’esmaia,De la paele fors sailli,L’aige boilant, le feu failli.Uns angeles dist : « N’aies paorTu as vencu l’enperéor :Deus qui la victoire te doneT’a fait au ciel faire corone. »Alexandrie la raineVit la grant puissance devine ;Maintenant crut en Deu sans dote,En Jesus-Crist mist s’amor tote ;Tantost geta, sans nule aresteLa corone jus de sa testeEt devesti sa réal robe,Dont soloit estre cointe et noble.

Vers Dacien s’en est venueEt dist : « A Deu me sui rendue,En bon Deu en cui Jorge creitQui tot fist, tot seit et tot veit. »Daciens forment lors s’escrie :« Hai ! raine Alexandrie,Par son barat t’a esméueJorge, et t’a forment decéue ;Lairas-tu ton regne et ta saleEt morras de mort greve et male ? »Si ele respont sinplementEt si li a dit humlement :« Por Deu, mon seignor et mon maistre,Voil-je morir, ne puet autre estre,De s’amor ne puet decevrer,Nul tant puisse mon cors grever. »Daciens plore et mult s’esmaie,Mult la prie, mult la sosplaie :« Oh ! doce raine, que ferai ?Coment morrir te sofferai ?

Porquei desconfortes mon regneEt moi tu fais mult male peine ?Vos-tu plus la mort que richesse,Plus que corone et que hautesse ? »S’ele respont tot maintenantEt si li dist son avenant :« La corone veut pardurable,S’este d’éci n’est pas estable ;N’en ferai plus, bien veus que muirePor Deu ; or pues mon cors destruire »Daciens ne vost plus atendre,Par les tresses haut la fist pendre ;Le cors qu’il ot jadis tant chierFist tot desronpre et detrenchier.Quan qu’ele sofreit tel martire,Vers le saint se torne et sospireEt dist : « Sire priès por moiJesum, ton Deu, en cui je croi.Je veus aveir le saint babtesmeDel saint esperit et del cresme. »

L’une et l’autre main a tendueLi sains vers Deu et si s’argue :Deu prie que il, par sa grace,Aige del ciel venir li face.Lors li vint tantost une nueQui ot assez aige tenue.Li sains i prist de la rosée,La dame en a tote arosée.Lors baptisa la dame sainte,Si fist-il autre dame mainte.Mener la fist, à grant vilté,Daciens fors de la sitéEt comanda que fust ocise,Si com ele ert en sa chemise.Ains que fust ocise ni morte,Li Sains docement la conforteEt mult très debonairementEt li dist si faitierement :« Aiès bon cuer et rien ne dote,Damne-Dé est o tei sans dote. »

Del cors prist Daciens venjance,Trespercier la fist d’une lance ;L’arme en ala tot à delivreO ciel, o pardurable vivre.La chose atant ne laissa mieDaciens pleins de felonie,En son siege s’ala séoirEt vost le saint à ce oir.Avant li dist : « AlexandrieA jà por tei perdue la vie,Vacau, qui tant de mal enbraces,Une chose pri que tu faces.Là fors a une sepultureQui est vieile et ancor dure,Mors jà nul ne puet saveirQui sont ni quans i puet aveir.Pri jà ton Deu que il les faceRevivre, si que face à faceLes puissom tuit veir ensemble.S’il se puet faire bien me semble

Que tu l’en dès plus chier tenir. »Sains Jorge qui vost maintenirLes biens qu’il aveit porposé,Devant le tirant a oséComander tost aler querreTos les os et traire de terre.Sans plus dire et sans plus parlerFist Daciens à ces os aler.Il alerent grant aléure :Quant vindrent à la sepulture,Il ne porent pas les os prendre,Tuit estéent torné en sendre.Ensenble la sendre aporterentEt devant le saint la poserent.Li sains s’agenoille en la place,Deu pria que miracle face.Mult pitosement vers les nuesSes mains jointes a estendues,Et dist : « Deus, qui tot conpassasEt d’enfer les portes brisas ;

Sire, qui tot as en demaineTos ces mors en vie remaine. »Ains que eust sa priere dite,La vois de Deu, saint Esperite :« Jorge, tot se que tu vodrasDemander, por veir tu auras. »Deu oï saint Jorge à delivre,Tos les mors fist lever et vivre ;Si com par Esme est devisé,Que ome que feme sont prisécc et xxxv, sans dote,Tel fu des revescuz la rote.Jobel avoit nom li uns d’iausQui fu paiens et puis fu saus.Li sains li dist mult bonement ;« Amis, di moi certainement,Et de l’dire pas ne t’enuit,Combien a que mors fustes tuit ? »S’il dist : « cc ans a passésQue mors fumes et plus assés. »

Li sains dist : « Quel lei aoréesEn dementré que vivées ? »Jobel dist : « Apolin sans faille ;Mais tel deus ne vaut une paille.Por ce avons soffert grant peineEt torment grant en fernal regne.Del feu d’infer fors nos getas,Quant tu si nos recossitas ;Or te prions comunement,Batise nos hastivement.Qu’il ne nos covieigne ralerEt au feu d’infer ravaler. »Ileuc n’ot aige apareilléeQui fust ni doce ni salée.Li sains fist en la terre crois,Donc saili fontaine à grant frois ;Lors les batia, si les fist liés ;Lavé furent de lor pechés.Li sains lor dist : Ains que je aille,En paradis irès sans faille.

Congé lor dona, cil s’enmurentQue onques puis véu ne furent.Cil qui les miracles aperceurentEn Jesu-Crist, notre Deu, crurentEt dirent tuit, por la provance,« Li Deu de Jorge a grant puissance. »Daciens d’ire à poi ne crieve,Se que il veit forment li grieve.D’angoisse brisa sa sainture,Pasmé chaï à terre dure,Ileuques brait et forment crie :« Tot est ma hautesse perie.Jorge a fait ma gent renéerPor son Deu, se ne puis néer.Destruit a mes deus et ma loi ;Or l’estuet morrir sans delloi.Ou le cors me destrencherai,Ou ardeir en un feu ferai,Tormenté en mainte manière,Si son cors avant et arière.

Bien a vii ans et plus, se croi,Que onques n’ot paor de moi.Grant mal m’a fait, au cuer me toche,Un frain li metrai en la boche.De ma cité, de ma murailleHors il sera trainé sans faille.Là vueil-ge qu’il perde la vieOù fu ocise Alexandrie. »La boche au saint fist enfrenerDaciens et es chans mener.Bien vot morrir et mot li tarde ;Pitosement la gent regardeQui après lui esteit venue ;Docement en Deu la salue.Tos siaus qu’il vit dolens estre,Si les seigna de sa main destre.Lors dist à ciaus qui le teneientEt qui décoler le deveient :« Biau seignors, un poi demorerMe laicès à mon Deu orer. »

Li sains umlement s’agenoille,De ses lermes sa face moille,Au ciel tent ses mains simplement,Sa prière fist saintement :« Jesu-Crist, res esperitables,En dis et en fais es estables,Qui por nos à mort te livrasEt les pechéors delivras,Quant en la crois te sofrois pendreEt ton saint sanc laissas espandre,Por tos siaus te pri qui t’aorentEt qui por tei, sire, m’enorent.Tos siaus qui vendront en m’égliseA moi faire enor et servise,Defens les de mort subiteineEt de peril et de grant peine.Sire Des, ma préere est diste,En tes mains rens mon esperite. »Une vois del ciel dessendiQui li dist et il entendi :

« Jorge, Jorge, bonéurés !De m’amor es açéurés.Vien t’en à moi, desoremaisNe vueil qu’en cest mont sées mais. »Sains Jorge ne vost plus atendre,Ains comença son cors estendre,Ses mains joinst sur sa peitréine,Vers les sergens son chief enclineQue tantost le chief li trencherent,Conques de rien ne l’sparaignerent.Li Angle Deu l’arme saisirent,A grant joie, quant il la virent ;Lié furent, docement chanterent,Véant tos, au ciel la porterent :Grant joie en est et fu jadisDe saint Jorge en Paradis.La mort saint Jorge aves oïeDignement et sa sainte vie ;Et Des vos doint santé et joieEt de vos préeres vos oie,

Et vos doint fenir en bon pointA tos vos vies, et vos dointEt sens et bien à grant planté,Et de bien faire volenté,Cui secla per omniaEst honor, Virtus, Gloria.

fin