Topographia Hassiae: Franckfurt

Sede satis nota, rapido quae proxima Mogo,

Clara situ populoque frequens, murisque decora, etc.

Urbs Decus Imperij, quâ primos Cesar honoresAccipit, et titulum Regni sceptrumque reportat.

Quinque haec nobilitant Francfurtum, Posta, Machaera,Emporium, electus Caesar, itemque Libri.

Francorum tibi sive vadum, seu Regia prisca,Seu regio nomen Francia dulce dedit,Francia te Romana, simul Germana frequentatSaepius, et merces vendit emitque suas.Et populos uttiusque frequenter Francidos oraeCogis, et exerces sic data Iura tibi.Francidos es geminae sic Francis, vt Helladis HellasUrbs quondam populis Attica clara fuit.

Urbs Atticorum olim velutHellas vocata est Helladis;Orbisque Roma totiusQuoddam quasi compendium;Formosa ceu NeapolisItalia dicta est Italiae;Ut Gallia nunc Galliae.Dici potest Lutetia;Sic Francofurtum, nundinasPropter frequentes, nominaGermaniam Germaniae.

Dives opum, mundi microcosmus, Martia muris,Germana Aonidum, Filia Mercurij.Et clara Emporio, et rerum penuaria cella est,Urbs à Francorum sic vocitata vado.Cui nil DI superi, cui nil natura negavit,Nam si quae desunt, nec sibi mundus habet.

Gallia Lugdunum miratur, at Itala tellusRem Venetam, Hispanos operosa Sevillia jactat,Londinum Tamesis, speciosa Antverpia Scaldim:Ast ego Teutonicas inter caput altius urbesEffero Francfurtum, quâ pons tua, Moene, fluentaSaxeus, Urbis opus, quindeno fornice sternit,Saxonibus Francos, clarissima nomina, jungens.Sola ego Caesaribus quondam delecta creandisGlorior, et celebris mercatu duplice nomenUsque ad Amaxobios peregrinâ merce propago:Et foecundus ager, populus cum divite censu,Caesaribus servata fides, prudensque Senatus,Haec mihi si constent, quis me neget esse beatam?